HW News Marathi
क्राइम

पुण्यात भरदिवसा गोळीबार, विद्यापीठ चौक परिसरातील घटना

पुणे विद्यापीठ चौकात सकाळच्या सुमारास प्रचंड गर्दी असते. अशावेळी सकाळी 11 वाजण्याच्या सुमारास गोळीबाराची घटना घडल्याने प्रचंड खळबळ उडाली आहे. या घटनेची माहिती मिळताच वरिष्ठ पोलिस अधिकार्‍यांसह गुन्हे शाखेच्या अधिकार्‍यांनी घटनास्थळाकडे धाव घेतली आहे. या गोळीबारात जखमी झालेल्या एकाला रूग्णालयात दाखल करण्यात आल्याची माहिती पोलिसांनी दिली आहे. गोळीबारात जखमी झालेल्या तरुणाचे नाव समीर ऐनपुरे (वय – २६) असं आहे. पोलीस तपासात आरोपीचे नाव शुक्राचार्य मदाळे हे असल्याचं उघड झाले असून आरोपी आणि जखमी तरुण एकाच परिसरात राहतात.

का केला गोळीबार?

प्राथमिक माहितीनुसार आरोपी शुक्राचार्यची टपरीवर महापालिकेने कारवाई केली होती. आरोपीला वाटले जखमीनेच पालिकेकडे तक्रार केली, या संशयावरून गोळीबर करण्यात आला. जखमीची प्रकृती स्थिर असून त्याच्या डोक्याला गोळी चाटून गेली.

कुठे घडली घटना?

समीर हा सेनापती बापट रोडवरून पुणे विद्यापीठ चौकात येत होता. सिग्नल लागल्याने तो तेथे थांबला असताना दुचाकीवरून आलेल्या अज्ञात हल्लेखोराने त्याच्याजवळ जाऊन एक राऊंड झाडत गोळीबार केला. त्यानंतर हल्लेखोर तात्कळ पाषाणच्या दिशेने पळून गेला. फरार आरोपीचा पोलीस शोध घेत आहेत. चतुःश्रृंगी पोलिस ठाण्यातील अधिकारी तसेच गुन्हे शाखेतील वरिष्ठ अधिकार्‍यांनी घटनास्थळी धाव घेतली आहे. या अज्ञात आरोपीचा तपास पोलीस करत असून अदयाप या हल्ल्यामागील कारण अस्पष्ट आहे. स्थानिक पोलिसांनी विद्यापीठ चौक परिसरातील सीसीटीव्ही कॅमेरे तपासण्याचे काम सुरू केले आहे. हल्‍लेखोरांच्या शोधासाठी स्थानिक पोलिसांची पथके रवाना केल्याची माहिती सुत्रांनी दिली आहे. गोळीबारासाठी कुठली बंदूक वापरली याचा पोलीस शोध घेत आहेत.

Dear Readers,
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.

Related posts

अभिनेता करण ओबेरॉयला बलात्कार प्रकरणी अटक, ९ मेपर्यंत पोलीस कोठडी

News Desk

शाळकरी मुलींच्या ऑटोला अपघात, नऊ वर्षीची बालिका दगावली

News Desk

25 हजारांची लाच घेताना कोतवाल व तलाठी अडकले एसीबीच्या जाळ्यात

Manasi Devkar