मुंबई छगन भुजबळ यांनी राष्ट्रपतीपदाच्या निवडणुकीसाठी आपल्याला विधिमंडळात जाऊन मतदान करण्याची विनंती पीएमएलए कोर्टाला केली आहे. यावर कोर्टात सोमवारी पुढील सुनावणी आहे. यावर ईडीचे वकिल हितेन वेणेगावकर यांनी छगन भुजबळ याच्या अर्जाला विरोध केला आहे. यावर पीएमएलए कोर्टाने छगन भुजबळ यांच्या वकिलाला आपल्याला अर्ज मागे घ्यायचा आहे का, अशी विचारणा केली. त्यावर आपण भुजबळांशी बोलून अर्ज मागे घ्यायचा की हायकोर्टात धाव घ्यायची आहे, हे कोर्टाला कळवण्यात येईल असं म्हटलं आहे. या प्रकरणाची सुनावणी सोमवारी ठेवण्यात आली आहे.