मुंबई । आज महात्मा गांधी यांच्या जयंती निमित्ताने राष्ट्रवादी काँग्रेसच्या वतीने सरकारच्या विरोधात मौनव्रत धारण करत आंदोलन केले. राष्ट्रवादी काँग्रेसचे सर्व बडे नेते महात्मा गांधी यांच्या पुतळ्याच्या एका बाजूला मौनव्रत धारण करून बसल्याचे पाहून शालेय शिक्षण मंत्री विनोद तावडे यांचा जोर वाढला. आणि गांधी यांच्या पुतळ्याला अभिवादन करताच जोरदार घोषणाबाजी सुरू केली. भारत माता की, जय, महात्मा गांधी अमर रहे, अशा प्रकारच्या जोरदार घोषणा देण्यास सुरुवात केली. त्यातच गृहनिर्माण मंत्री प्रकाश मेहता, आमदार मंगलप्रभात लोढा यांच्यासह अनेक पदाधिकारी यावेळी घोषणा देत होते.
राष्ट्रवादीच्या नेत्यांना पाहून विनोद तावडेंचा 'आवाज' चढला; महात्मा गांधी यांच्या पुतळ्याजवळ घोषणाबाजी#SwachhBharatDiwas #GandhiJayanti #Gandhi150 | #hwnewsmarathi pic.twitter.com/Al9yM956CA
— HW NEWS MARATHI (@hwnewsmarathi) October 2, 2018
भाजपकडून सकाळी ग्रांट रोड येथील मनीभवन येथून एक रॅली काढण्यात आली होती. याची सुरुवात स्थानिक नगरसेवक आणि पदाधिकारी यांच्यापासून झाली होती. त्यात तावडे मंत्रालयाशेजारी असलेल्या महात्मा गांधी यांच्या पुतळ्याजवळ ही रॅली पोहोचताच त्यात तावडे हे सहभागी झाले. या रॅलीचे जणू आपण सर्व नेतृत्व करत असल्याचा आव आणत त्यांनी समोर येऊन महात्मा गांधी यांच्या पुतळयाला पुष्पहार घालून अभिवादन केले, आणि लगेच बाजूला बसलेल्या राष्ट्रवादी काँग्रेसच्या नेत्यांकडे लक्ष घालून घोषणाबाजी सुरू केली.
हा सर्व प्रकार गांधीजी यांच्या पुतळ्या शेजारी बसलेले राष्ट्रवादी काँग्रेसचे प्रदेशाध्यक्ष जयंत पाटील, राष्ट्रवादी काँग्रेसचे नेते अजित पवार, विधानपरिषदेचे विरोधी पक्ष नेते धनंजय मुंडे, शिक्षक आमदार विक्रम काळे हे तावडे यांच्या या घोषणाबाजीचा प्रकार शांतपणे पाहत होते. तोंडावर काळी पट्टी आणि त्यातही मौनव्रत असल्याने सत्ताधारी पक्षाचे विनोद तावडे हे महात्मा गांधी यांच्या पुतळ्याजवळ करत असलेली स्टंटबाजी केवळ उघड्या डोळ्यांनी राष्ट्रवादी काँग्रेसचे नेते पाहत होते.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
