HW News Marathi
महाराष्ट्र

पर्यावरण पूरक गणेश मुर्ती, सांगली जिल्ह्यातला आदर्श उपक्रम

सांगली | तासगांव तालुक्यातील कवठेएकंद येथील जिल्हा परिषदेच्या शाळेतील आदर्श कलाशिक्षक व राष्ट्रीय रंगावलीकार सागर कृष्णा जाधव यांनी शाडूमातीपासून श्री गणेशमुर्तीच्या विविध रुपातील शिल्पकला साकार करुन सुमारे ३९९ विद्यार्थ्यांना या मुर्तीकलेचे प्रशिक्षण देण्यात आले. शाडूमातीच्या मुर्ती हि पाण्यामध्ये लगेच विरघळते व पाण्याचे प्रदुर्शन होत नाही व या मुर्तीवर वाॕटर कलर्स वापरले तर ते कलर्सचा पाण्यामध्ये कोणताही दुष्परिणाम होत नाही यामध्ये विद्यार्थ्यांच्या सुप्त कलागुणांचा विकास होण्यासाठी सदैव जाधव तत्पर असतात.

शाडू मातीपासून गणेश मुर्ती शिकवत असताना उपस्थित मुलामुलींसाठी भावी बाल कलाकारांसाठी गणेश चतुर्थीनिमित्त नेत्रदिपक अशी एक मेजवानीच होती. या स्तुत्य उपक्रमाचे आयोजन केल्याबद्दल शाळेच्या मुख्याध्यापक सुरेखा पाटील यांनी जाधव यांचे अभिनंदन केले यावेळी शाळेचे शिक्षक रघुनाथ थोरात व सर्व शिक्षक / शिक्षिका वृंद व विद्यार्थी / विद्यार्थीनी उपस्थित होत्या. जाधव यांनी आजअखेर चिञकला,रांगोळी ,शिल्पकला, माध्यमातून राज्य व राष्ट्रीय स्तरावर जनजागृती केलेली आहे .

यामध्ये एकोफ्रेंडली गणेश मुर्ती,पर्यावरण वाचवा, दारुबंदी,स्ञी भ्रूणहत्या,मुलगी वाचवा अशा अनेक उपक्रमाचा समावेश आहे.प्रत्येक संकष्टीला तासगांवच्या श्री गणेश मंदिरात सुमारे चार ते पाच वर्षे झाली अविरत अखंड प्रबोधनात्मक रांगोळीच्या माध्यमातून सेवा केली कुणाकडूनही एक रुपया न घेता .आदर्श कार्यकर्तृत्वसंपन्न व्यक्तीमत्वाच्या असलेल्या जाधव यांना यासाठी त्यांना अनेक राष्ट्रीय व आंतरराष्ट्रीय पुरस्कार मिळाले आहेत.डिझीटलच्या दुनियेत चित्रे व पोस्टर प्रदर्शन रांगोळी , मातीच्या मुर्ती लुप्त होताना दिसत आहेत. मात्र या कला जाधव जपत आहेत. पैसा आणि प्रसिद्धीसाठी नाही तर आईवडीलांच्या डोळ्यांतून निघणाऱ्या आनंदाअश्रुंसाठी जगायचे असते अशा ध्येयाने प्रेरीत झालेल्या आदर्श कलाशिक्षकांची गरज आज संपूर्ण देशाला आहे.

जाधव यांनी प्रतिकुल परिस्थितीशी लढा देत आत्मविश्वासाने कलाक्षेत्रात आजवर चौफेर घौडदौड सुरु ठेवली आहे . समाजकार्यातून चांगल्या समाजाची निर्मिती ,प्रत्येक भारतीय जाज्ज्वल्य देशप्रेमाने पेटून उठावा यासाठी कलाशिक्षक सागर जाधव यांची चाललेली धडपड खरंच कौतुकास्पद आहे .आपल्या या अखंड ,अभेद्य धडपडीस सदैव यश येईल असा आमचा विश्वास आहे एक आदर्श आणि कर्तृत्वसंपन्न व्यक्तीमत्व म्हणून भावी युवापिढी आपला आदर्श घेतच राहील.

Dear Readers,
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.

Related posts

‘मुख्यमंत्री जागे व्हा, मुख्यमंत्री न्याय द्या’, मराठवाड्यात ओला दुष्काळ जाहीर करा!

News Desk

“अजित पवारांना गर्व झाला होता, तो मोडून काढला”, पंढरपूर मंगळवेढ्याच्या विजयानंतर पडळकरांची खोचक टीका

News Desk

कांदा खरेदीनंतर साठवणूक क्षमता वाढवण्यासाठी मुख्यमंत्र्यांचे केंद्राला पत्र

News Desk