महाविद्यालयांमधील प्रवेशामुळे लोक त्रस्त, शनिवारी विशाल मोर्चा

मुंबई | अल्पसंख्याक महाविद्यालयांमधील प्रवेशाची सामान्य प्रक्रिया बाजूला ठेवल्यामुळे हजारो लोक त्रस्त आहेत. कनिष्ठ महाविद्यालयांमध्ये 11 वीमध्ये प्रवेश न मिळाल्यामुळे उच्च गुण मिळवणारे विद्यार्थी व त्यांचे पालक शनिवारी आपल्या मागण्या घेऊन आमदार मंगल प्रभात लोढ़ा ह्यांच्या नेतृत्वात बाल भवनावर शिक्षण उप महासंचालकांच्या कार्यालयावर मोर्चा काढतील. आमदार लोढ़ा ह्यांची मागणी आहे की, सरकारने ह्या संदर्भात उच्च गुण मिळवलेल्या विद्यार्थ्यांच्या शैक्षणिक हक्कांचे संरक्षण उच्च न्यायालयात करावे.

विशेष म्हणजे जूनियर महाविद्यालयांमध्ये अल्पसंख्याक कोट्याअंतर्गत कमी गुण मिळालेल्या विद्यार्थ्यांनाही 11 वीत पहिले प्रवेश दिला जात आहे व त्याच वेळी दहावीत उत्तम गुण मिळवणा-या प्रतिभावान विद्यार्थ्यांना प्रवेश मिळत नाही आहे. शनिवारी ह्या संदर्भात आमदार मंगल प्रभात लोढ़ा ह्यांच्या नेतृत्वामध्ये शनिवारी सकाळी 10.30 ला चर्नी रोड स्टेशन पश्चिम येथील बाल भवनामध्ये उप महासंचालकांच्या कार्यालयावर मोर्चा काढला जाईल व त्यामध्ये मोठ्या संख्येने विद्यार्थी- विद्यार्थिनी व पालक सहभागी होतील. तिथून शिक्षण सचिवांच्या कार्यालयामध्ये एक प्रतिनिधी मंडळ जाईल व सरकारला निवेदन देईल. आमदार लोढ़ा ह्यांनी मागणी केली आहे की, सरकारने ह्यावर तत्काळ योग्य तो उपाय करावा. दक्षिण मुंबईमध्ये बहुतांश महाविद्यालये अल्पसंख्यांक आहेत. उच्च न्यायालयाच्या आदेशाचा बहाणा करून कमी गुण मिळालेल्या अल्पसंख्य विद्यार्थ्यांना तिथे पहिल्यांदा प्रवेश दिला जात आहे.

ऑनलाईन प्रवेश प्रक्रियेला बाजूला ठेवल्यामुळे उच्च गुण मिळवलेले विद्यार्थी प्रवेशापासून वंचित आहेत तर कमी गुण मिळालेले अल्पसंख्य विद्यार्थी अल्पसंख्याक महाविद्यालयांमध्ये आधी प्रवेश घेत आहेत. त्यामुळे लोकांमध्ये मोठी नाराजी आहे. आमदार लोढ़ा ह्यांनी शिक्षण मंत्री विनोद तावडेंना निवेदन दिले आहे की, ज्या प्रकारे ते नेहमी विद्यार्थ्यांच्या हितांसाठी तत्पर असतात, त्याच तत्परतेने व जागरूकतेने त्यांनी ह्या प्रकरणावरही उच्च न्यायालयात विद्यार्थ्यांच्या हिताच्या दृष्टीने सरकारची बाजू मांडावी जेणेकरून त्रस्त लोकांची ह्या त्रासातून सुटका होईल.