मुंबई | हल्ली चित्रपट निर्मितीसाठी हाय क्लॅरिटी कॅमेरे वापरले जातात. यामधून उत्तमरित्या चित्रीकरण केले जाते, परंतु सध्या पाहायला गेले तर आपल्याला अनेक ठिकाणी मोबाईलचा वापर जास्त प्रमाणात दिसून येतो. लघुपट किंवा आपल्या पत्रकारितेच्या क्षेत्रात देखील अनेक जण सध्या मोजॉ किटचा वापर करतात.
या ट्रेंडमुळे महाराष्ट्रात अश्याच एका चित्रपटाचे मोबाईलवर संपूर्ण चित्रीकरण केले जाणार आहे. दिग्दर्शक सचिन कुंडलकर हे असाच एक आगळा वेगळा चित्रपट घेऊन आपल्या सर्वांसमोर येत आहेत. या चित्रपटात अभिनेत्री सई ताम्हणकर आणि अभिनेता वैभव तत्ववादी यांच्या प्रमुख भूमिका असल्याची माहीती मिळाली आहे.
परंतु मोबाईल कॅमेराच्या सहाय्याने चित्रीत केलेला पहिला मराठी चित्रपट येऊ घातला आहे. पहिल्यांदाच असा प्रयोग होताना दिसणार आहे. नेहमीच काहीतरी वेगळा प्रयोग करणारे दिग्दर्शक सचिन कुंडलकर हा आगळावेगळा प्रयोग करणार आहेत. कुंडलकर नेहमीच पठडीबाहेरचे चित्रपट रसिकांसाठी आणतात. त्यांचा आगामी चित्रपटाबद्दल त्यांनी त्यांच्या फेसबुकवर पोस्ट केले आहे.
काय आहे नक्की सचिन कुंडलकर यांची पोस्ट –
‘पाँडिचेरी’
संपूर्णपणे स्मार्टफोनच्या कॅमेऱ्यावर शूट होत असलेली माझी पूर्ण लांबीची फिल्म. कामाच्या प्राथमिक तयारीला उत्साहाने सुरुवात ! ह्या प्रवासापासून ! ह्या वेगळ्या प्रकारच्या चित्रपटात सामील झालेल्या माझ्या दोन आवडत्या कलाकारांचे स्वागत.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
